أبوذیّات طور ألحیاة
غرامک نزل وسط إلگلب ونشد
ستر کوّن إو شد إوزار ونشد
سئل روحی إعلی وعدی أویاک ونشد
لگاهه إحنینه و إتون إبشچیّه
...
إلسعاده إویاک عد گلبک شتلهه
و أحس ذوق إبّطن روحی شتلهه
خضّر ورد محصولک شتلهه
مزهره أصبحت جنّه أنت علیّه
...
إلماعدهه ولی بإلضیج شبکت
إلنصبولی إبدربی إهوای شبکت
علیهم گامت إلصدقان شبکت
غده طشّارهم صلیه إبسماء
...
لسان إلیعربی ثوبی و أسر بیه
إبکلام إلوحی بیه هیبه و سربیه
إبحرف إلضاد أجر طوری وسربیه
و أعاتب کل وفی إلماحن لخیّه
...
حروف إلهجاء لی قدوه ودرلی
لسان إلعالمی إلرابع ودرلی
إهو بیتی یظل صیتی ودرلی
کلام أللّه إو رسوله إو یشع ضیّه
...
حرف إلضاد إنطقنّه وعربه
خوارج زهدت إبلفظه وعربه
لا بیه خلّه لا ملّه وعربه
إمنوّر کمّله رب إلبریّه
...
یصاحب أنت لی موگد وناره
إدلاله إو گهوته إو چایه وناره
إبظلام إللیل إلک زینه وناره
إبغیابک ما حلت گعده إلیّه
...
إلولف شال إو صحت ریّض ولا رد
تبعت إلضعن ما أوچّد ولا رد
إلوفه ویّای لا هوّد ولارد
حشر مو بشر بیّن ذاته إلیّه
...
إهمومک لا تکتهه إبعلن لحّد
إو سرّک لا تکشفه إیصیر لحّد
وحق إلخالق إلجبّار لحّد
إلقیل إو قال یثّر لک أذیّه
...
إلصلح ما فاد ویّه إلغدر مارد
شرب دمّک إبیوم إلهجم مارد
یگلبی إلشال خله إیروح مارد
بقائه إویاک إلک لوم أو أذیّه
...
تلف بیتک یمبدع کلفتنه
إو مواهبنه إلّفتنه کلفتنه
حچی إلنمام واضح کلفتنه
لا تسمع کلامه إیشت خویّه
...
لسان إلعرب یحیی کلمتنه
إبحرف إلضاد تنطق کلمتنه
هویّه إلنه لغتنه کلمتنه
إبسعاده إو خیر و أفراح إلزهیّه
...
أحب إلبیه وفه إبصدقه وعدله
إلعوج لجل إلإنسانیّه وعدله
إلصدیق إبگلبی إحطّنّه وعدله
إبشرط للموت ما یطمع علیّه
...
صدیق إلزین أباریله وحی بیه
أبوسه إبگصته بعیونه وحی بیه
تحله إلگعده بوجوده وحی بیه
سوالف عنده تشفی إلعلّه إلیّه
...
إلیصاحب مو بألف نازل بألفراح
إبصدیق إو نص تجد جوده بألفراح
تسهچه إلعیله إذا ناصل بألفراح
إلصداقه إلخوّتک خلهه تچیّه
...
علی إلما بیه وفه ویّای منشد
ولا طوری یجر إعلیه منشد
حبل وصلی عجدته إو فلت منشد
إنگطع وصلات کل قسمه إبنویّه
...
کبر سنّی إو نحل جسمی وقلبای
إو شوفی إمن إلسهر نازل وقلبای
إلشعر من صادقیته أعلن وقلبای
حسافه إتموت إبو أطباع إلشفیّه
...
عمر خلّصته بإلنهتات وأنحب
إو شاورت إلگلب یا ولد وأنحب
رفض جاوبنی ما بیّه أود وأنحب
إلحب بیه سهر بیه لوم إو أذیّه
...
یروحی إتعذّبیتی من هویتی
و أحس بعداچ فرحوا من هویتی
إکرهونی إو کل نهیتی من هویتی
أظل شوکه بعیون إلبیه أذیّه
...
یگلبی إسمع صهیل إلنصر هلهل
إو عطره یشفی إلتعبان هلهل
إهلال إلفرح گرّب عاد هلهل
إلعید أگبل لفتنه أهل إلحمیّه
...
تمر صحنات أحس بإلگلب مالام
حنین إبلومی منّی عجز مالام
إلنایم بإلشوارع عدل مالام
ولا إبو لا إخو لا عم و أخیّه
...
جاسم ثعلبی ألحسّانی 27/09/1400
:: برچسب‌ها:
أبوذیّات طور ألحیاة ,
:: بازدید از این مطلب : 1131
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
